20 маусымда Женевада Иран сыртқы істер министрі мен Ұлыбритания, Франция, Германия сыртқы істер министрлерінің келіссөзі өтті.
Келіссөзге қатысушылар Иранды АҚШ-пен келіссөзге оралуға шақырды. Бұған дейін Тегеран Израиль шабуылын тоқтатпаса, соққыны доғармайтынын мәлімдеген еді.
Ұлыбритания сыртқы істер министрі Дэвид Лэмми Еуропа елдері Иранға ядролық қаруды иелене алмайтынын “айқын жеткізгенін” мәлімдеді. Тегеран ұзақ жылдардан бері әскери ядролық бағдарлама барын ресми түрде жоққа шығарып келеді.
Еуроодақтың сыртқы істер бойынша жоғарғы өкілі Кая Калластың айтуынша, тараптар Женевада “ядролық және одан да басқа ірі мәселелер бойынша” байланысты жалғастыруға келіскен. Лэмми пікірталасты “конструктивті” деп атады.
Ал Аракчидің өзі “басқыншылық тоқтатылған кезде ғана” Иран дипломатияға дайын деп мәлімдеді. “Басқыншы қылмысы үшін жауап береді” деді ол.
Женевада Иран, Ұлыбритания мен ЕО өкілдері келіссөз өткізді
Келіссөзден кейін ақпарат құралдарына сұхбат беріп тұрған Франция, Германия және Ұлыбритания өкілдері.